Sunday, April 21, 2024

மாணவர்களுக்கு கல்வி அமைச்சர் வெளியிட்டுள்ள விசேட செய்தி!

06ம் தரத்திற்கு மேல் உள்ள பிள்ளைகள் பாடசாலையில் கற்கக்கூடிய பாடங்களின் எண்ணிக்கையை எதிர்காலத்தில் 07 பாடங்களாக குறைக்க நடவடிக்கை எடுக்கப்படும் என கல்வி அமைச்சர் கலாநிதி சுசில் பிரேமஜயந்த தெரிவித்துள்ளார்.

வாரப்பிட்டிய பிரதேசத்தில் நேற்று (24.02) நடைபெற்ற வைபவம் ஒன்றில் அமைச்சர் இதனைத் தெரிவித்தார்.

இதேவேளை, மாணவர்கள் வாழும் அந்தந்த மாகாணங்களுக்கு ஏற்ப சுதேசி கைத்தொழில் வியாபாரங்களை இணைத்து எஞ்சிய 03 பாடங்களையும் கற்கும் வாய்ப்பு வழங்கப்படும் எனவும் அமைச்சர் மேலும் தெரிவித்துள்ளார்.

மேலும், பள்ளிக்கு வரும் அனைத்து ஆசிரியர்களும் தகவல் தொழில்நுட்ப அறிவை பெற்றிருக்க வேண்டும் என்றும், ஒவ்வொரு வட்டாரத்திலும் அமைக்கப்பட்டுள்ள கணினி வள மையங்கள் மூலம் ஆசிரியர்களுக்கு பயிற்சி அளிக்கும் பாரிய வேலைத்திட்டம் தற்போது நடைமுறைப்படுத்தப்பட்டுள்ளதாகவும் அமைச்சர் கூறியுள்ளார்.

ஆசிரியர்களுக்கு கணினிப் பயிற்சி வழங்கும் அதேவேளை, மென்பொருள் உருவாக்கம் மற்றும் பழுதுபார்ப்புப் பணிகளுக்காக பிராந்திய மட்டத்தில் குழுவொன்றைத் தயாரிக்க நடவடிக்கை எடுக்கப்பட்டுள்ளதாகவும் அமைச்சர் விளக்கமளித்துள்ளார்.

RELATED ARTICLES

Most Popular