கொரோனாவிலிருந்து குணமடைந்த சிறுவர்கள் தொடர்பில் வெளியான அதிர்ச்சிகர தகவல்



கொவிட் தொற்றிலிருந்து குணமடைந்த பின்னர் பல்வேறு பக்க விளைவுகளால் (பல உறுப்பு நோய்த்தொற்றுகள்) பாதிக்கப்பட்ட சிறுவர்களின் எண்ணிக்கை நாடளாவிய ரீதியில் அதிகரித்துள்ளதாக சுகாதார அதிகாரிகள் தெரிவித்துள்ளனர்.

இத்தகைய பக்கவிளைவுகள் கொண்ட 25 சிறுவர்களுக்கு கொழும்பில் உள்ள லேடி ரிட்ஜ்வே சிறுவர்கள் மருத்துவமனையில் சிகிச்சை அளிக்கப்பட்டு வருகிறது என்று குழந்தை மருத்துவர் டொக்டர் தீபால் பெரேரா தெரிவித்தார்.

இந்த சிறுவர்கள் அனைவரும் கொவிட் தொற்றில் இருந்து குணமடைந்து பின்னர் வீட்டிற்கு சென்று பல்வேறு பக்க விளைவுகளால் மருத்துவமனையில் சேர்க்கப்பட்டனர். இந்த குழந்தைகளுக்கு மூளை, இதயம் மற்றும் சிறுநீரகத்தில் பல்வேறு கோளாறுகள், அதிகரித்த இதய துடிப்பு, நிமோனியா மற்றும் தொடர்ந்து காய்ச்சல் போன்ற அறிகுறிகள் இருப்பதாகவும், இந்த சிறுவர்களில் பெரும்பாலானவர்கள் 5 முதல் 15 வயதுக்குட்பட்டவர்கள் என்றும் நிபுணர் கூறினார்.

கொவிட் நோய்த்தொற்றிலிருந்து குணமடைந்த சிறுவர்கள் ஆறு மாதங்கள் வரை இத்தகைய அறிகுறிகளை உருவாக்க முடியும் என்று தீபால் பெரேரா, குறிப்பிட்டார். பக்க விளைவுகள் உள்ள சில சிறுவர்களுக்கு சிறந்த ஆன்டிபாடிகள் கொடுக்கப்பட வேண்டும் என்றும் அந்த சிறந்த ஆன்டிபாடிகளுக்கு அரசாங்கம் அதிக விலை கொடுக்க வேண்டும் என்றும் அவர் கூறினார்.

தொற்றுநோயிலிருந்து மீண்ட சிறுவர்களை ஆறு மாதங்களுக்கும் மேலாக கவனிப்பது முக்கியம் என்று அவர் தெரிவித்தார். இதற்கிடையில், கொழும்பில் உள்ள லேடி ரிட்ஜ்வே சிறுவர்கள் மருத்துவமனையில் அனுமதிக்கப்பட்ட கொவிட்டால் பாதிக்கப்பட்ட சிறுவர்களின் எண்ணிக்கை 35 ஆகக் குறைந்துள்ளதாக நிபுணர் டொக்டர் தீபால் பெரேரா கூறினார்.

கொழும்பில் உள்ள லேடி ரிட்ஜ்வே சிறுவர்கள் மருத்துவமனையில் கொவிட் நோயால் பாதிக்கப்பட்ட சுமார் 200 சிறுவர்களுக்கு கொவிட் மூன்றாவது அலையின் தொடக்கத்தில் சிகிச்சை அளிக்கப்பட்டது.

hey